Kina hevur sent upp eina rúmdarsondu móti sonevndu "baksíðuni" av Mánanum.
Tað var fyrrapartin í dag, kinesiska tíð, at Chang'e-6 varð skotin avstað móti Mánanum.
Endamálið við uppskjótingini er at kanna og taka royndir við sær av hesi síðuni av Mánanum.
Í 2019 lendi kinesiska rúmdarsondan, Chang'e-4, á "baksíðuni" av Mánanum, sum ikki sæst av Jørðini.
- Um kinesisku royndirnar hesaferð eydnast, verður hetta fyrstu ferð, at royndir eru tiknar av hesi síðuni av Mánanum.
Hetta veit norska kringvarpið - NRK - at siga fyrrapartin.
