Sambært løgregluni í morgun var ein øgilig rúgva av fólki savnað í Vágsbotni í gjárkvøldið og í nátt, nú stóra tónleikatiltakið - Voxbotn - varð hildið.
- Her vóru nógvir samarittar, og her var nógv vaktarfólk, sum øll gjørdu eitt stórt arbeiði og tóku sær av tí mesta, sum var inni á økinum.
Vaktleiðarin á løgreglustøðini visti í morgun at siga, at løgreglan í sivilum búnum var til steðar og helt eyguni við, at skonkt ikki varð til fólk undir 18 ár.
- Men, her var einki hjá okkum at seta fingurin á, og at síggja til gekk alt, sum tað skuldi.
Tvey fólk, sum ætlaðu sær inn á tiltakið í Vágsbotni, vórðu kortini víst burtur úr økinum, tí tey uppførdu seg ólátað, og her sendu vaktirnar boð eftir løgregluni.
- Tá vit komu á staðið, vórðu hesi fólk víst burtur, og tey fingu eisini eina bót hvør við sær fyri brot á skilhaldsreglurnar, visti vaktleiðarin á løgreglustøðini at siga í morgun.
Sambært løgregluni varð stóra tiltakið í Vágsbotni væl fyriskipað, og her vóru bæði samarittar og vaktir, sum tóku sær av tí mesta innan fyri gyrðingarnar.
##med2##
