Í hennara nýggjasta staklagi bjóðar jazzygold lurtarum við á eina ferð gjøgnum hennara fortíð og barnaár.
"Homerun" er ein djúpt persónligur sangur, ið endurspeglar hennara uppliving at vaksa upp í einum mest hvítum grannalagi og landi, har hon ofta setti spurnartekin við sín samleika sum ein brún genta við krúllutum hári. Sangurin lýsir stríðið við at finna sína egnu rødd og identitet í einum heimi, har hon føldi seg sum ein útlendingur í egnum húsi.
Hesin sangurin er bæði eitt kærleiksbræv til hennara familju og ein kanning av teimum avbjóðingum, hon møtti við at javnviga tveir mentanir í sínum heimi og at takla ein fjaran pápa. Hon heiðrar síni systkin og serliga síni mammu, sum uttan steðg hevur roynt at samla teir brotnu bitarnar gjøgnum árini, við eini áhaldni og kærleika, sum hevur verið hennara stuðul.
Sum jazzygold sjálv sigur:
– homerun er ein sangur, sum eg altíð havi viljað skrivað, men eg havi ongantíð kent meg til reiðar at deila mína persónligu søgu fyrr enn nú. Eftir at hava skapt henda vakra sangin, havi eg ongantíð verið meira klár at avdúka hetta lagið fyri øllum.
##med2##
Um sjónbandalagið:
Stíg inn í heimin hjá jazzygold við sjónbandalagnum til "homerun", sum er upptikið í hennara fyrsta barndómsheimi og leikstjórnað av hennara góðu vinkonu Daniu O. Tausen. Í videoinum finna vit eisini hennara stórabeigga og stórasystir, sum spældu ein stóran leiklut í hennara uppvøkstri og eisini verða nevnd í sanginum.
Meðan tey endurvitja tey rúmini, ið skaptu teirra fyrstu ár, fangar videoið hitan, kærleikan og fløkjustigini við at vaksa upp í einum húsi við fleiri mentanum.
"homerun" er meira enn ein sangur; tað er ein heiðran til styrkina í familjuni og ferðina til sjálvsfatan.
Uppliva nostalgiina og kenslurnar í "homerun", tá jazzygold deilir eitt stykki av síni lívssøgu sum ongantíð áður.
———————————————————————————————————————
Lagið er skrivað og framleitt av Jasmin Mote og Daniel Hedberg.
Dania O. Tausen hevur klipt og gjørt sjónbandalagið
Mathias Dimon Næs og Dania O. Tausen hava filmað sjónbandalagið.
Animatión av Beintu B. Egholm
