Føroyska U17-landsliðið hjá gentum hevur framt eitt bragd av dimensjónum við einum flottum 3-1 sigri á Rumenia á Tórsvølli.
Brá Zachariasardóttir legði Føroyar á odda 1-0 tá 16 minuttir vóru leiktir av dystinum. Eydna Dalheim átti uppleggið.
Í tíðini dómarin hevði lagt aftrat økti Leona Djurhuus til 2-0. Uppleggið átti dagsins leikari, Silja Trier.
Silja Trier økti til 3-0 tá 58 minuttir vóru leiktir. Aftur átti Eydna Dalheim uppleggið.
Tá 91 minuttir vóru leiktir minkaði Giulia Sipos um munin aftaná hornaspark.
Lettland vann 5-0 (3-0) á Georgia á ovara vølli.
Uttan innanhýsis roknskapin millum trý tey fremstu liðini er støðan hendan í bólki 3:
1. Lettland 3 dystir 6 stig - málúrtøka 7-3
2. FØROYAR 3 dystir 6 stig - málúrtøka 6-3
3. Rumenia 3 dystir 6 stig - málúrtøka 5-4
4. Georgia 3 dysti 0 stig - málúrtøka 1-9
Í roknskapinum millum trý tey fremstu liðini vann Lettland 2-1 á Føroyum. Rumenia vann 2-0 á Lettlandi, og Føroyar vunnu 3-1 á Rumenia.
Støðan millum trý tey fremstu liðini innanhýsis er hendan:
1. FØROYAR 2 dystir 3 stig - málúrtøka 4-3
2. Rumenia 2 dystir 3 stig - málúrtøka 3-3
3. Lettland 2 dystir 3 stig - málúrtøka 2-3
INNANHÝSIS roknskapurin millum trý tey fremstu liðini ger, at Føroyar vinna bólk 3 og vinna seg víðari í kappingini.
Hjartaliga tillukku við bragdinum og megnar avrikinum.
##med2##