Sagt verður frá fleiri deyðum í einum skottilburði í Moskva í dag, har ein konserthøll stóð í ljósum loga eftir eitt álop.
Hetta vita vit higartil:
* Ókendir persónar við skotvápnum skutu ímóti fólki í eini konserthøll í Crocus City Hall í Krasnogorsk nærindis Moskva í kvøld, har konsert var við bólkinum Picnic.
* 40 fólk eru deyð, og yvir 100 eru særd. Tað sigur russiska trygdartænastan FAB klokkan 19:15 okkara tíð sambært almennum russiskum tíðindastovum. Talan er um fyribils tøl.
* Russiska tíðindastovan Interfax skrivar um upp til fimm persónar við skotvápnum, sum eru við í álopunum.
* Russiska tjóðarhirðin sigur, at enn verður leitað eftir persónum handan illgerðina.
* Russiskir ákærar siga, at talan er um eina »yvirgangsatsókn«.
* Eitt eygnavitni sigur við journalistar hjá Reuters uttan fyri konserthøllina, at automatvápn vórðu brúkt.
* Video vísa royk og logar upp úr Crocus City Hall.
* Tíðindastovan Tass hevur sagt frá, at fólk eru í bygninginum, har umfatandi eldur er. Onnur sigat vera fangað uppi á tekjuni.
* Bæði løgregla og sløkkiliðsfólk eins og serdeildir hjá russisku tjóðarhirðuni eru til staðar.
* Tað var útselt í konserthøllini, sum rúmar 6200 fólkum. Konserthøllin er nærindis Crocus City, har tað millum annað er eitt handilsmiðstøð, hotell og matstovur.
* Øll størri mentanartiltøk í Russlandi eru avlýst, upplýsir russiska mentamálaráðið. Einki verður sagt um hvussu leingi.
* Tað er ógreitt, hvør hevur ábyrgdina. Ukraina hevur víst aftur, at tey hava nakað við tað at gera.
* Russiski forsetin, Vladimir Putin, verður leypandi kunnaður um hendingina. Hann hevur enn einki sagt.
* Russiskir miðlar hava tosað um tvær spreingingar.
Keldur: Reuters.
/ritzau/
