Ein persónur doyði og fimm aðrir fingu skaða, tá maskeraðir menn í nátt skutu í brúdleypsveitslu í Fraklandi.
Tað upplýsir ein kelda hjá løgregluni fyri tíðindastovuni AFP.
Løgreglan hevur illgruna um, at skottilburðin stóðst av ósemju í rúsevnaøkinum.
Skjótingin fór fram í býnum Thionville, sum liggur tætt við markið til Týskland og Luksemburg.
- Klokkan 01:15 fór ein hópur útum at roykja framman fyri veitsluhøllini, og tá komu tríggir tungtvápnaðir menn og skutu skot í teirra (gestunum) ætt, sigur keldan frá løgregluni sambært AFP.
Gerningsmenninir flýddu síðani av staðnum. Enn eru teir ikki handtiknir sunnumorgunin.
Tvey av teimum særdu hava fingið álvarsligan skaða. Ein er í lívsvanda, stendur.
Tað vóru umleið 100 fólk til staðar í brúðarveitsluni.
/ritzau/