Hevur tú hug til ein ella fleiri nátungar, hava hesir fingist til keyps í Vágsbotni fyrrapartin, har menn úr eitt nú Norðdepli hava selt feskan nátunga.
Fyrr í morgun stóð eisini onkur, sum hevði saltaðan nátunga, og sum skilst gingu hesir eisini sum heitt breyð.
Nátungatíðin fer nú at styttast.
Ætlar tú tær eitt kók - ella bæði tvey - eigur tú at hava eyguni eftir, nær nátamenn standa á marknaðarplássinum í Vágsbotni teir næstu dagarnar.
Maðurin úr Norðdepli, sum vit hittu fyrrapartin, ivaðist í, um teir fóru at koma aftur til Havnar, tí teir høvdu ikki meira at selja í løtuni.
Men, tað er ikki bara nátungi, sum hevur fingist á marknaðarplássinum í Vágsbotni fyrrapartin.
Sjógæti er eisini á marknaðarplássinum í dag við fleiri av umtóktu vørunum, sum fyritøkan hevur í sínum útboði.
Her er eitt nú ræstur fiskur, flak, kalvastykkir og liðug kalvasalat, og her er gulllaksafars, sum bara skal klamsast saman og leggjast á pannuna - og alt er í uttan tálg.
Sjógæti hevur eisini saltað spik og turt tvøst á søluborðinum í Vágsbotni.
Kvinnan, sum stóð á marknaðarplássinum fyri Sjógæta fyrrapartin, segði, at onkur útlendingur keypir spik og turt tvøst, tí tey hava hug at royna føroyskan mat.
- Meginparturin av teimum, sum keypa, eru føroyingar, men vit síggja eisini, at útlendingar, sum eru her og ferðast, keypa sær døgurðamat her, legði hon aftrat.
##med2##
##med3##
##med4##
##med5##
##med6##
##med7##
##med8##
##med9##
