Noreg og Kina hava avgjørt at samstarva fyri at stríðast ímóti veðurlagsbroytingunum.
Tað sigur norski forsætisráðharrin, Jonas Gahr Støre, skrivar tíðindastovan NTB. Í dag byrjaði Støre ein tríggjar daga vitjan hjá kinesiska forsetanum, Xi Jinping, í kinesiska høvuðsstaðnum, Beijing.
Nærri smálutir um samstarvið verða almannakunngjørdir seinni.
- Eg eri fegin um, at vit í morgin verða samd um tætt og skipað samstarv um veðurlag.
- Menningin av veðurlagstøkni í Kina heldur fram, og framstig eru gjørd í teirra egna búskapi, so vit hava nógv vit kunnu læra og skifta um, sigur Støre.
Á tíðindafundi sigur Xi Jinping, at Støre longu nevndi umhvørvis- og veðurlagsviðurskiftini, tá tey bæði hittust í 2010.
Tá var Støre uttanríkisráðharri.
- Eg minnist, at vit tosaðu um orku og umhvørvisvernd. Nú, meira enn tíggju ár seinni, hevur samstarv okkara á hesum økjum týdning fyri okkara tvílanda samstarv, sigur Xi Jinping.
/ritzau/
