Beint fyri klokkan 17.30 í gjár fekk løgreglan eina fráboðan úr einum matvøruhandli í Havn.
Her høvdu tey avdúkað, at eitt viðskiftafólk ikki hevði goldið fyri matvørur, sum viðkomandi ætlaði at taka við sær úr handlinum.
- Viðkomandi, sum var eitt vaksið fólk, varð avdúkað á veg úr aftur handlinum, sigur løgreglan.
Vaktleiðarin visti í morgun at siga, at talan var um matvørur fyri umleið 700 krónur, sum ikki vóru goldnar við kassan.
- Soleiðis varð hetta mál uppklárað beinanvegin, og áðrenn viðkomandi slapp úr handlinum við matvørunum, verður lagt aftrat.