Støðan í Ísrael er spentari og vandamiklari, eftir at Hizbollah í Libanon hevur hert álopini á Ísrael.
Tí mælir danska uttanríkisráðið øllum ferðum til allar partar av Ísrael. Føroyskir myndugleikar hava áður víst til tilmæli frá danska uttanríkisráðnum í líknandi støðum.
Uttanríkisráðið heldur, at trygdarstøðan í Ísrael er blivin meira spent seinastu tíðina – bæði orsakað av álopum frá Hizbollah og av støðuni í Gasa.
Í gjár vildi Hizbollah vera við, at tey høvdu skotið 200 rakettir og sent dronur við spreingievni eftir hernaðarmálum í Ísrael.
Ísrael framdi í tí sambandi álop á støð har suðuri í Libanon, haðani Hizbollah skjýtur rakettir ímóti Ísrael.
– Trygdarstøðan kann versna munandi við ongum ella stuttum skoðbrái. Um tú velur at ferðast til Ísrael, eigur tú at biða um professionella ráðgeving frammanundan, sigur uttanríkisráðið í nýggju vegleiðingini.
Tað er kanska óneyðugt at siga, at uttanríkisráðið eisini mælir frá øllum ferðum til Vestara Áarbakka og Palestina.
