Team Rynkeby Føroyar boðar á Facebook-vanga sínum frá, at 114 umsøkjarar hava søkt um at sleppa við til Paris í 2016. Pláss er fyri 50 súkklarum.
Úttøkan er liðug á hesum sinni. 25 av teimum, sum vóru við í ár, og 25 nýggj sleppa við.
Tað er sera stórur áhugi at sleppa við, og bólkurin sum úttekur fegnast um áhugan. Felags fyri tey sum eru á liðnum, er at tey vilja gera okkurt gott fyri onnur, samstundis sum tey vilja gera okkurt gott fyri seg sjálvan.
Tann 12. september verður handanin av innsavnaða peninginum, sum er innkomin í 2015 latin til Krabbameinsfelagið. Hetta verður á Østrøm's fabrik kl 15. Øll eru vælkomin at verða hjástødd, sigur Team Rynkeby Føroyar á Facebook.
