Fótbóltsferð
Sum tað sæst aðra staðni í blaðnum, so er av álvara farið at ganga framá hjá FCK í kappingini um danska meistaraheitið.
Brøndby hevur higartil havt eina rættiliga trygga leiðslu, og áður hava leikararnir hjá FCK sagt, at gullið langt síðani er rokið, men so er kanska ikki kortini.
Líkist stórdysti
Tá Atlantic Airways upprunaliga gjørdi av at skipa fyri ferð til dystin millum FCK og Brøndby, mundu teir ikki vænta, at talan kanska fór at gerast um avgerandi dystin um DM-gullið, men sum støðan er nú, er hetta als ikki óhugandi.
Tá vit seinast høvdu samband við skrivstovuna hjá Atlantic Airways, vóru okkurt um 70 av teimum 90 ferðunum seldar. Roknast kann nú við, at seinastu 20 atgongumerkini verða seld rættiliga skjótt. Tá líknandi ferð varð fyriskipað í fjør ? og tá var talan um avgerandi dyst ? vórðu øll atgongumerkini skrødd burtur eftir einum degi, so føroyskir FCK fjepparar skulu nú kvika sær, um teir hava ætlanir um at síggja eina endurtøku av danska stórdystinum.
