Meir enn 22 ár eru liðin síðani tann tá bert 19 ára gamli, Zlatan Ibrahimovic spældi sín fyrsta A-landsdyst móti Føroyum í Växsjö. Ein dystur sum endaði 0-0.
Nú er tann 41 ára gamli, Zlatan sum higartil hevur leikt 121 landsdystir, og hevur skotið 62 mál fyri Svøríki aftur úttikin til landsliðið.
Svøríki skal á heimavølli spæla EM-undankappingardystir móti Belgia og Asbadjan 24. og 27. mars.
Seinastu landsdystirnar hevur Zlatan byrjað á beinkinum, og er komin á vøllin í seinna hálvleiki. Hugsandi er, at tað verður leikluturin hjá honum í teimum báðum komandi dystunum.