Eitt ferðafólkaflogfar við 62 fólkum umborð er í dag dottið niður við brasilska býin, Vinhedo.
Myndugleikarnir í býnum siga sambært lokalum tíðindamiðlum, at eingin yvirlivdi syrgiligu flogvanlukkuna.
Flogfarið datt niður í einum íbúðarøki, men eingin, sum var um hesar leiðir, tá vanlukkan hendi, læt lív.
Forsetin í Brasilia, Luiz Inácio Lula da Silva, sum var til eitt tiltak í brasilska býnum, Itajai, bað um tøgn í ein minutt til heiðurs fyri tey, sum lótu lív.
- Ógvuliga syrgilig tíðindi. Mínir tankar eru hjá familjum og vinum hjá teimum, sum lótu lív í vanlukkuni, skrivar forsetin á X, fyrrverandi Twitter.
