Andrass Johansen var við frá dystarbyrjan, tá hann og liðfelagarnir í Fremad Amager spældu dyst móti Skive í triðbestu donsku fótbóltsdeildini.
Dysturin á leikvøllinum í Sundby endaði við javnleiki 1-1.
Christoffer Boateng fekk Fremad á sigurskós beint undan steðginum. Fremad var leingi á sigurskós, men tríggjar minuttir inni í tíðini dómarin hevði lagt aftrat javnaði Skive til 1-1.
Fremad Amager er nummar átta í deildini við 17 stigum. Fremad hevur 10 stig upp til sætta plássið, ið gevur rættin at kappast í ovara endaspælinum aftaná lokið grundspæl.
Á sætta plássinum hevur Vendsyssel FF 27 stig.
Komandi kappingardystur hjá Fremad Amager verður leiktur 6. mars í 2026. Tá kemur Næstved á vitjan.
