Tað ógrógvar ferðsluna sera nógv, tí teljingar vísa, at umleið 4.000 bilar um dagin nýta hesa farleið. Tann ferðslan hevur tí verið beind longur niðan í býin, og seinastu vikuna hevur Doktara Jakobsensgøta eisini verið stongd, so tí hevur ferðslan millum vágirnar báðar í Havn verið noydd at fara niðan í Jóannesar Paturssonargøtu, um koyrast skuldi av Vaglinum yvir á Skálatrøð.
Fólk frá Hjálpirót hava havt drúgvar arbeiðsdagar seinastu dagarnar, og tey eru eisini til arbeiðis í dag. Tí mánadagin skal hetta vera liðugt, verður sagt av Tórshavnar kommunu.
Av býráðnum í Havn siga tey, at royndir teirra vísa, at hóast gamli gonguteigurin í verandi løtu er fluttur nakað eystureftir, so verður aloftast gingið styttstu leið beint yvirum.
- Møguliga tí, at verandi gonguteigur tykist at vera ov langt burturi.
##med3##
Vit eru sannførd um, at um áleggingin her varð broytt til eina hækkaða chausses-steins álegging, er væl hugsandi, at bilar vístu størri varsemi, og at gangandi vórðu leiðbeind betri í økinum.
Serstakliga um eitt leiðbeinandi ljóst gonguteiga-mynstur varð lagt niður í steinsetingina, ið vísti á júst hvussu gangast skal.
Soleiðis skrivar býráðið í frágreiðing, sum er send út í sambandi við arbeiðið.
##med2##
Eisini er ætlanin at styrkja upp aftur meira um trygdina við at seta eina ljós-ávaringarskipan niður í lendið sum smáar ljós-diodur. Hesar fara at lýsa tá fólk traðkar út á gonguteigin.
Arbeiðið skal sambært býráðnum vera liðugt mánadagin, so tá verður helst aftur koyrandi í Vágsbotni.
Næsta fríggjakvøld verða nógv fólk í býnum í Havn, tí tá er Mentanarnátt. Og er veðrið gott, so verður tað sum á ólavsøku.