Áskoðari sló Macron

Franski forsetin fekk ein undir vangan á vitjan í Suðurfraklandi í dag

Franski forsetin, Emmanuel Macron, var í dag á vitjan í La Drome landslutinum í landsynningspartinum av Fraklandi, og har fekk forsetin ein frammaná.

 

Macron fór yvir at heilsa upp á fólk, tá ið ein maður knappliga sló forsetan í andlitið. Trygdarfólk løgdu uppí, maðurin var handtikin, og forsetin varð leiddur burtur frá mannamúgvuni.

 

Macron hevur seinastu dagarnar verið á almennari ferð kring Frakland.

 

Videoupptøka av hendingini hevur spreitt seg á sosialum miðlum.

 

##med2##