Hetta gjørdist ein góður dagur hjá føroyingaliðunum í næstbestu donsku hondbóltsdeildini hjá kvinnum.
Marita Mortensen og liðfelagarnir í HØJ vunnu á heimavølli í Jyllings-høllini 29-26 á Hadsten. Í steðginum var HØJ á odda 14-12.
Marita skoraði tvey mál í dag.
HØJ er nummar átta í deildini við 16 stigum.
Komandi leygardag spælir HØJ dyst á heimavølli móti Fredericia.
Lív S. Poulsen og liðfelagarnir í TMS Ringsted vunnu í dag sjeynda sigurin á rað.
Í dag vann Ringsted 31-25 á Ejstrup/Hærvejen á heimavølli. Í steðginum var Ringsted á odda 15-11.
Lív skoraði trý mál í dagsins dysti.
Ringsted er nummar trý í deildini við 22 stigum. Triðja plássið gevur aftaná lokið grundspæl rættin at spæla Play Off dystir um uppflyting til bestu deildina.
Sunnudagin 18. februar spælir Ringsted dyst á útivølli móti AGF í Aarhus.
