Tvey ísfiskalínuskip eru í løtuni undir Føroyum. Tey fáa mest av toski, longu og brosmu. Annað skipið kemur inn at landa mánadagin, og hitt kemur síðst í vikuni.
- Væntandi loysir okkurt ísfiskalínuskip aftrat í næstum, vita tey á Fiskamarknaði Føroya at siga í dag um útlitini fyri næstu viku.
Fýra frystilínuskip fiska í løtuni undir Føroyum, eitt er í Eysturgrønlandi, og eitt er á Flemish Kap.
Bæði streymur og veður fara at roynast í vikuni sum kemur.
Tí verður roknað við, at nakað verður av útróðri, men á Fiskamarknaði Føroya vita tey at siga, at fiskiskapurin hjá útróðrarbátum er smáligur.