Á konsertini fara Tær 4 úr Frelsunarherinum í Havn, Magni Chrisiansen, Jens Marni Hansen og Vestmanna Kirkjukór at framføra.
Konsertin er startskotið til stóru Bátastevnuna, sum verður um vikuskiftið, men sum byrjar í Vestmanna longu hósdagin.
Ja, vit kundu sagt, at stórsligna konsertin mikukvøldið leggur lunnar undir bátastevnutiltakið 2022.
Vestmanna Kirkjukór, sum skipar fyri konsertini, fer bæði at framføra einsamalt - og saman við Bergtóri Hjelm Bjarkhamar.
Jens Marni Hansen fer eisini á sín serstaka hátt at syngja saman við Vestmanna Kirkjukóri.
- Konsertin mikukvøldið klokkan 20 er ókeypis, og øll eru hjartaliga vælkomin, siga tey í Vestmanna.