Korona er ikki liðugt, tó at vit í Føroyum ikki hava so nógv fokus á smittuna longur.
Her søgdu vit bara, at nú er korona liðugt - og so var korona mest sum liðugt.
Merkiligt, kanska.
Og tó.
Tað er ikki langt síðan, at nøkur fólk í Føroyum vóru illa sjúk við koronu.
Í kvøld frættist, at Bill Gates, miljarderur og microsoft-stovnari, hevur fingið koronu.
Tað skrivar hann á Tvitter.
- Eg havi veik sjúkueyðkenni og fylgi ráðum frá serfrøðini.
Bill Gates sigur, at hann fer at halda seg fyri seg sjálvan, til hann er frískur aftur.