Smyril siglir í løtuni við niðursettari ferð, og orsøkin er brek á einum høvuðsmotori.
Seinkingar kunnu væntast næstu dagarnar á leiðini um Suðuroyarfjørð.
Strandferðslan skrivar í dag soleiðis á ssl.fo:
Orsakað av breki á einum av høvuðsmotorunum, siglir Smyril í løtuni við niðursettari ferð. Roknast kann tí við seinkingum á leið 7 komandi dagarnar.
Mánadagin 20/11 verður ferðaætlanin á leið 7 fyribils broytt soleiðis: Tvøroyri – Tórshavn 06:00 Tórshavn – Tvøroyri 13:00 Tvøroyri – Tórshavn 16:00 Tórshavn – Tvøroyri 19:00.
Bygdaleiðir í Suðuroy koyra í samband við hesar broytingar.
