Bretska sendikvinnan í Danmark, Emma Hopkins, fer til Grønlands á vitjan í næstu viku. Hon skal vitja í grønlendska høvuðsstaðnum Nuuk og Ilulissat.
Í juni mánaði í ár hittust gønlendski landsstýrisformaðurin og sendikvinnan, og nú skulu tey so hittast aftur.
Sambært Sermitsiaq fara tey serliga at røða um handil, fiskivinnu og veðurlagsbroytingar.
Saman við einari sendinevnd á bretsku sendistovuni í Keypmannahavn skal hon eitt nú hitta fleiri limir í grønlendska landsstýrinum.
Her skulu tey eisini røða um samstarv landanna millum.
Í tíðindaskrivi, sum Sermitsiaq endurgevur, verður sagt, at vitjanin ber boð um tann týdning, sum Bretland leggur í viðurskiftini við Grønland og tey handilssambond, sum eru landanna millum.
Meira um vitjanina hjá bretsku sendikvinnuni í Grønlandi kann lesast í www.sermitsiaq.ag
