Brotið lyftið um stytta arbeiðsviku

Tað sigur Heri Reynheim, for­mað­ur í Havnar Ar­beið­ar­a­f­el­ag, sum er eitt av fel­øg­num, sum í vikuni hava rykt eftir svari frá Aksel V. Jo­hann­esen, løgmanni, Sir­ið Sten­berg, forkvinnu í Tjóð­veldi, og Ruth Vang, for­kvinnu í Framsókn.

Har spurdi Fak­fel­ags­sam­starv­ið eft­ir svari upp á spurn­ingin, sum tey sendu somu fólkum tann 29. ok­to­ber. Spurningurin var so­ljóð­andi:

– Nær verður ar­beiðs­vik­an stytt við lóg?

Júst málið um at stytta ar­beiðs­vikuna við lóg var eitt av val­lyft­u­num hjá Javn­að­ar­flokk­i­num til sein­asta løgtingsval – og løg­mað­ur hevur fleiri ferðir hesa tíð­ina sagt, at arbeitt verð­ur við málinum.

Í samgonguskjalinum hjá sam­gonguni er málið eisini komið við, har verður skriv­að soleiðis:

»Arbeiðsvikan verður stytt niður í 37 tímar. Trí­parta­sam­ráð­ingar verða tikn­ar upp um at stytta ar­beiðs­vik­una við einum tíma ann­að­hvørt ár, til hon er kom­in niður á 37 tím­ar. Arbeiðsvikan verður skip­að við lóg.«

Einki røkist fyri at lyftið verður hildið

Nú samgongan hevur sett á síðsta árið fyri næsta løg­tings­val røkist einki fyri, at hetta vallyftið verð­ur innfríað. Heldur tvørt­ur­í­móti bendir alt á, at mál­ið er slept. Tey tosa nú um, at ar­beiðs­vik­an kann stytt­ast »við samráðingum á ar­beiðs­markn­að­i­num«. Men tað er heilt ann­að mál, og á tann hátt verð­ur ar­beiðs­vik­an valla stytt, tí tá skulu øll fak­fel­øg, hvørt í sínum lag, gjalda av løn­ar­karm­i­num fyri at stytta arbeiðsvikuna.

Í skrivinum frá Fak­fel­a­g­s­sam­starv­inum siga fak­fel­øg­ini soleiðis:

– Vit vóna, at tey trý for­fólk­ini í sam­gong­u­flokk­u­­num virða lim­ir okkara og svara spur­n­ing­i­num. Løg­tings­val verður inn­a­n­ fyri eitt ár, og ætlar sam­gong­an at stytta ar­beiðs­vik­una má ber­ast skjótt at. Tí vænta vit skjótt at fáa svar frá Aksel V. Jo­­hann­e­sen, Sirið Stenberg og Ruth Vang.

– Vit umboða fleiri tús­und limir og spyrja tí vegna lim­ir okkara.

Vit spurdu í oktober, men enn hava forfólkini í sam­­gongu­flokkunum ikki svar­að okkum.

Feløgini í Fak­fel­ags­sam­starv­i­num eru:

Starvsfelagið

Føroya Lærarafelag

Fø­r­oya Pedagogfelag

Aka­demikarafelag Føroya

Havnar Arbeiðskvinnufelag

Heilsuhjálparafelag Føroya

Felagið Føroyskir Sjúkrarøktarfrøðingar

##med2##

Lesið samrøðu við Hera Reyneim, formann í Havnar Arbeiðarafelag, og Súna Selfos, formann í Starvsfelagnum, um málið.

Sosialurin fæst í leysasølu kring landið. Haldarar kunnu lesa blaðið á Sos.fo við at logga á við haldaranummarinum