Tað skuldi vera tann stóri og spennandi oddadysturin, KÍF á heimavølli móti H71, men tað gjørdist alt annað.
H71 vann stórsigur 28-15 á KÍF.
Longu í steðginum var alt avgjørt. H71 var á odda 17-5. Verjuspælið hjá H71 og avrikið hjá Paula Jacobsen í málinum vóru framúr, og í seinna hálvleiki megnaði H71 at halda munin. Hans Eli Sigurbjørnsson var við átta málum glottin hjá kollfirðingum í kvøld. Brøðurnir, Pauli og Óli Mittún skutu 13 av teimum 28 málunum hjá H71.
Sunnudagin klokkan 16 hittast liðini aftur í Hoyvíkshøllini.
Í annaðkvøld klokkan 20 hittast nummar fýra og trý, Neistin og VÍF í høllini á Hálsi í Havn. FM1 sigur beinleiðis frá tí dystinum.
KÍF-H71 15-28 (5-17)
Málskjúttar KÍF: Hans Eli Sigurbjørnsson 8, Rúni Joensen 2, Tony Weyhe 1, Ási Dam 1, David Edvardsen 1, Baldur Gillason 1, Fríði Weyhe 1.
Málskjúttar H71: Pauli Mittún 7, Óli Mittún 6, Niklas H. Hanusarson 5, Peter Krogh 4, Pætur Thomsen 3, Emil Svoldgaard 1, Janus Dam Djurhuus 1.
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
H71 | 9 | 278 | 207 | 71 | 14 |
KÍF | 9 | 232 | 224 | 8 | 14 |
VÍF | 9 | 255 | 236 | 19 | 10 |
NEISTIN | 9 | 263 | 259 | 4 | 8 |
TEAM KLAKSVÍK | 10 | 279 | 296 | -17 | 7 |
STÍF | 10 | 280 | 315 | -35 | 7 |
KYNDIL | 10 | 238 | 288 | -50 | 6 |