Newcastle, Southampton og Tottenham komu í kvøld víðari í Capital One Cup, sum er minna steypakappingin í Onglandi. Serliga Newcastle tók tey flestu á bóli við at vinna 2-0 á Manchester City á útivølli. Í gjár komu Liverpool, Chelsea, Bournemouth, Sheffield United og Derby víðari.
Í kvøld hevur lutakast til fjórðingsfinalurnar verið. Liverpool og Chelsea skulu spæla á útivølli, men í báðum førum er talan um lið úr lægru deildunum. Liverpool skal møta AFC Bournemouth, meðan Chelsea skal spæla móti Derby.
Størsti dysturin verður í London, har Tottenham og Newcastle møtast. Seinasti dysturin er millum Sheffield United og Southampton.
Capital One Cup fjórðingsfinalur:
Tottenham - Newcastle
Derby - Chelsea
Bournemouth - Liverpool
Sheffield United - Southampton
