Seinnapartin í gjár varð ein bilførari tikin í Havn fyri at koyra við kenning.
Vaktleiðarin á løgreglustøðini visti í morgun at siga, at blóðroynd er tikin, og tað verður úrslitið av henni, sum verður avgerandi fyri, hvør sektin verður.
- Vit steðgaðu eisini einum bili í gjárkvøldið, har tað vísti seg, at tey, sum vóru í bilinum, høvdu rúsevni uppi á sær.
Løgreglan sigur, at talan var um smáar nøgdir, sum kortini geva bøtur fyri at hava rúsevni uppi á sær.
- Seinnapartin í gjár fingu eisini tveir bilar skaða í Sverrisgøtu í Havn. Her var eingin fólkaskaði, men annar bilurin fekk stóran skaða.
Vaktleiðarin visti í morgun at siga, at aftari bilurin helst ikki hevur hildið neyðugu frástøðuna, og tað kann geva klipp í koyrikortið.
