Ein stjóri afturat í Framskák

Aftrat Sigmund Mikkelsen, stjóra, kemur Kári Sigvardsen inn at stjórna Framskák.

Kári Sigvardsen kemur saman við Sigmund Mikkelsen at vera stjóri hjá Framskák, og fer hann at hava ábyrgd av innanhýsis rakstrinum.

 

Kári er 42 ára gamal og kemur úr starvi sum rakstrarstjóri hjá Magn, har hann starvaðist í knøpp 10 ár. Kári hevur drúgvar royndir við leiðslu og at skipa og effektivisera arbeiðsmannagongdir við at nýta KT og tøkni.

 

– Vit fegnast um at fáa Kára við í okkara toymi. Við drúgvu royndum hansara styrkja vit um rakstur og arbeiðsmannagongdir okkara, og somuleiðis styrkja vit um Tænastukervið, ið vit leggja stóran dent á, sigur Sigmund Mikkelsen, stjóri.