Í annaðkvøld klokkan 18 skal føroyska kvinnulandsliðið spæla fjórða HM-undankappingardystin í undanbólki B. Dysturin verður spældur á Tórsvølli.
Mótstøðuliðið hesaferð er Ungarn, ið eins og Føroyar einki stig hevur fingið í kappingini higartil.
Ungarn tapti stórt fyri Spania 0-7 á heimavølli. Okkara kvinnur taptu 0-10 fyri Spania á Tórsvølli. Ungarn hevur tapt 0-2 fyri Skotlandi á heimavølli og tapti fríggjadagin sera tepurt 1-2 móti Skotlandi á útivølli. Skotland fekk ikki sigursmálið fyrrenn 90 minuttir vóru farnir av dystinum. Føroysku kvinnurnar taptu 1-7 fyri Skotlandi á útivølli, og so hava føroysku kvinnurnar tapt 0-4 fyri Ukraina á útivølli.
Fimm altjóða veddingarfyritøkur eru ikki í iva um, at Ungarn vinnur á Føroyum. Hægstu oddsini uppá ungarskan sigur eru 1,09.
Lægstu oddsini uppá føroyskan sigur eru 18. Oddsini uppá javnleik liggja millum 7,6 og 9.
Veddingarfyritøkur Føroyar-Ungarn | Heimasigur | Javnleikur | Útisigur | ||
---|---|---|---|---|---|
1xBet | 23.00 | 9.00 | 1.09 | ||
bet-at-home | 18.00 | 7.60 | 1.06 | ||
Betfair | 23.00 | 9.50 | 1.06 | ||
Interwetten | 20.00 | 8.75 | 1.07 | ||
youwin | 19.00 | 8.25 | 1.05 | ||
Gjøgnumsnitsodds | 20.60 | 8.62 | 1.07 |