Tað verður serliga spennandi at fylgja svensku steypavinnarunum og grundspælsvinnarunum, Sävehof komandi kappingarár.
Bæði Elias Ellefsen á Skipagøtu og Óli Mittún vera partur av hópinum hjá Sävehof.
Sävehof fer at royna at vinna seg í bólkaspælið í EHF European League, har teir kappaðust farna kappingarár. Sävehof tapti fyri Kadetten Schaffhausen úr Sveis í áttandapartsfinalunum uppá mál á útivølli.
Fyrstu undankappingardystirnir vera móti rumenska liðnum, AHC Potaissa Turda.
Sävehof spælir heimadystin 27. ella 28. august, og útidystin 3. ella 4. september.
