Elias Ellefsen á Skipagøtu og hinir spælararnir hjá verandi svensku meistarunum í hondbólti, Sävehof byrjaðu kappingina í bestu svensku hondbóltsdeildini suðuri í Skåne, har Kristianstad var mótstøðuliðið.
Dysturin endaði við javnleiki 28-28. Í steðginum var Kristianstad á odda 13-12.
Elias Ellefsen skoraði tvey mál í dystinum, og vóru tey bæði skotin í fyrra hálvleiki. Elias fekk eisini tvær tveir minuttirs útvísingar í dystinum í kvøld.
Tey 14 liðini í bestu svensku mansdeildini í hondbólti skulu spæla eitt grundspæl uppá 26 dystir áðrenn leiktar vera fjórðingsfinalur, hálvfinalur og finalur.
Komandi mikukvøld tekur Sävehof móti Ystad á heimavølli.
Liðið hjá Kjartani Johansen, Önnered spælir heimadyst móti Redbergslid komandi týskvøld.