Í longri tíð hevur ljóðað, at fyrrverandi Skála venjarin, Eliesar Olsen, skuldi gerast nýggjur venjari hjá EB/Streymi.
EB/Streymur váttar í kvøld á heimasíðu sínari, at sáttmáli er gjørdur við Eliesar Olsen, sum sostatt skal vera venjari hjá Effo-liðnum hjá EB/Streymi í 2015. Umframt at vera høvuðsvenjari hjá besta liðnum, skal Eliesar Olsen eisini vera ráðgevi hjá ungdómsvenjarunum hjá EB/Streymi.
Hóast Eliesar Olsen bert er 25 ára gamal, hevur Eliesar Olsen í fleiri ár verið venjari. Frá ár 2010 til á sumri í 2014, var hann venjari hjá besta liðnum hjá Skála.
Komandi ár verður tað sostatt felagsliðið úr Sundalagnum, EB/Streymur, ið fær gleði av venjaraevnunum hjá Eliesar Olsen.
