Danskir politikarar undirmeta týdningin av ES-tinginum, heldur Helle Thorning-Schmidt Meiningakanningar undan valinum í Danmark í morgin til ES-tingið hava víst, at nógvir danir tíma ikki á val, men sambært forkvinnuni hjá Sosialdemokratunum, Helle Thorning-Schmidt, eru tað ikki bara teir donsku veljararnir, sum hava lítla virðing fyri ES-tinginum og tess arbeiði.
Tað sama er galdandi fyri nógvar fólkatingslimir, sigur hon. Javnaðarforkvinnan sigur við Ritzau, at ES-tingið hevur sera stóra ávirkan á nógv ymisk viðurskifti, og tí er tað púra burturvið, tá nógvir fólkatingslimir undirmeta tess týdning.
Sjálv var Helle Thorning-Schmidt limur í ES-tinginum frá 1999 til 2004.
