Kaj Leo Holm Johannesen, landsstýrismaður í heilsumálum, tilnevndi nýliga nýggjar limir í Etiska ráðið. Nýggja ráðið hevði fyrsta fundin í dag saman við landsstýrismanninum.
Við støði í arbeiðinum hjá undanfarna ráðið fer nýggja ráðið til verka beinanvegin.
– Hervið fari eg at ynskja Etiska ráðnum blíðan byr við arbeiðinum at viðgera etiskar spurningar, ið knýta set til heilsufakligt virksemi á heilsuøkinum, almannaøkinum og kommunala økinum. Eg fari eisini at takka limunum í nýggja ráðnum fyri, at tit vilja átaka tykkum hesa uppgávuna komandi fýra árini, sigur Kaj Leo Holm Johannesen, landsstýrismaður.
Á myndini omanfyri eru fremst frá vinstru: Arnbjørn Ólavsson Dalsgarð, fakligur skrivari, Kaj Leo Holm Johannesen, landsstýrismaður, og Bergur Debes Joensen, formaður.
Aftast: Súsanna Mortensen, Arni Zachariassen, Noomi Gregersen, Jóngerð Guttesen, Leif Olsen, Jógvan D. Hansen og Marjun Asbjarnardóttir Lómaklett.
Katrin Kallsberg væntar á myndini.
(Innsent frá Heilsumálaráðnum)
