Fyri fyrstu ferð síðani 2018 er FLEYR steypavinnari í flogbólti hjá kvinnum. FLEYR vann finaluna í ítróttarhøllini á Hálsi 3-1 ímóti SÍ, sum var steypavinnari øll trý árini 2019 - 2021.
Tær er úr Sørvági vunnu fyrsta settið, men síðani vann FLEYR trý sett á rað og harvið dystin 3-1.
Annað settið vann FLEYR sannførandi, og so var tað rættiliga javnt í triðja í fjórða setti.
Í síðsta settinum legði SÍ rættiliga bragdliga fyri, og SÍ var frammanfyri 4-0 og 7-2. Men so við og við fótaði FLEYR sær, meðan spælið ikki var so sannførandi hjá SÍ.
Hetta er triðja ferðin, at kvinnurnar hjá FLEYR vinna steypakappingina.
SÍ – FLEYR 25 – 22, 17 – 25, 23 – 25, 21 - 25