##med2##
Julian Johansen, U20-landsliðsvenjari er fegin um søguliga sigurin, og er errin av sínum monnum aftaná minniliga 33-32 sigurin á donsku stórfavorittunum í fyrsta dystinum í bólkaspælinum, har hini liðini eru Ungarn og Slovenia.
Julian Johansen vísir á, at tað hevði stóran týdning at fáa nógv mál í dag, tí tað var givið, at Danmark fór at skora nógv mál.
Tað stóð á gomlum nøglum tá Danmark var á odda 20-16 fyrst í seinna hálvleiki. Men eitt leikbrá fekk vent gongdini og løtu seinni var støðan javnleikur 22-22. Eftir tað kom Danmark ongantíð á odda aftur.
Ungarn vann greiðan 31-22 (14-11) sigur Slovenia, ið Føroyar møta í morgin klokkan 12 (kvf.fo vísir dystin). Julian hevur tó størstu virðing fyri Slovenia, og tað fer aftur at krevja eitt framúr gott avrik at fáa ein sigur heim í morgin.
Á ljóðfíluni omanfyri ber til at hoyra samrøðuna Árni Gregersen gjørdi við Julian Johansen fyrr í dag.
