##med2##
Tað er ein slitin myta, at 0-0 javnleikir eru óáhugaverdir. Tað var ein sera spennnandi og góður dystur millum NSÍ og HB við Løkin í Runavík, ið kundi verið endaður 2-2 ella 3-3. Fyribils er javnleikurin tó ein sigur fyri KÍ, ið nú er sjey stig frammanfyri HB og 10 stig frammanfyri NSÍ á stigatalvuni.
- Vit høvdu yvirvág í seinna hálvleiki, tá ið vit spældu okkum til fleiri góðar málmøguleikar, men tíverri vóru marginalirnir ikki við okkum. Eg kann ikki siga annað, enn at spælararnir arbeiddu væl, og í løtum hekk spælið væl saman, men tíverri megnaðu vit ikki at vinna úrtøku, staðfestir Allan K. Jepsen, venjari hjá NSÍ, í samrøðu við Trónd Arge, reportara hjá FM1.
- Vit kundu havt avgjørt í fyrra hálvleiki, tá ið vit høvdu tríggjar góðar møguleikar, men tað eydnaðist ikki. Tó kann eg ikki siga annað, enn tað eg havi sagt við spælararnar, og tað er, at teir vístu góðan hugburð, sigur HB venjarin Jonas Dal Andersen.
Teir báðir donsku høvuðsvenjararnir løgdu báðir dent á, at teir hava ikki mist vónina at fáa KÍ aftur á stigatalvuni. Báðir hildu fyri, at so átti teir at funnið okkurt annað at gjørt enn at vera venjarar.
NSÍ-HB 0-0
Á ljóðfíluni omanfyri ber til at hoyra frá FM1
1) Hoyr samrøðuna Tróndur Arge, reportari hjá FM1 gjørdi við Allan K. Jepsen, høvuðsvenjara hjá NSÍ.
2) Hoyr samrøðuna Tróndur Arge gjørdi við Jonas Dal-Andersen, høvuðsvenjara hjá KÍ.
3) Hoyr Trónd Arge, frásøgumann og Teit Joensen, viðmerkjara taka stutt samanum. Teir staðfesta, at dagsins vinnarar eru KÍ og 07 Vestur við 1-1 javnleikinum á Tórsvølli.
