Føroyingaliðið á Akureyri, KA er í heldur tungum sjógvi fyri tíðina.
Í dag tapti KA í heimadysti í bestu íslendsku hondbóltsdeildini 27-30 fyri FH á heimavølli á Akureyri.
Í steðginum var FH á odda 19-12.
Morgunblaðið metir, at tað var avgerandi, at málverjin hjá FH, Phil Döhler bjargaði 16 av málroyndunum hjá KA móti málinum hjá honum.
Føroyski landsliðsmálverjin, Nicholas Satchwell hevði fimm bjargingar í dag. Allan Norðberg var ikki við í hópinum í dag.
KA hevur bert fingið eitt stig seinastu fýra dystirnar.
KA hevur seks stig, og liggur á einum áttanda plássi í deildini.
Komandi leygardag spælir KA á útivølli móti Fram.
