Triðja føroyingaliðið í bestu íslendsku mansdeildini í hondbólti, KA sum hevur Allan Norðberg og landsliðsmálverjan, Nicholas Satchwell á liðnum leikti ígjár fyrru fjórðingsfinaluna móti Haukum á útivølli.
Talan gjørdist um ein sera javnan og spennandi dyst, ið KA vann 30-29 við einum brotskasti Óðinn Þór Ríkharðsson setti í netið í seinasta sekundi, og so var stórur fagnaður á akureyringum.
Allan Norðberg skoraði eitt mál fyri KA. Nicholas Satchwell hevði fýra bjargingar. Kappingarneytin í málinum hjá KA, Bruno Bernat hevði átta bjargingar.
Komandi mánakvøld klokkan 19.30 leika liðini seinnu fjórðingsfinaluna, har KA hevur ein pinkalítlan fyrimun við 30-29 sigrinum á útivølli í fyrru fjórðingsfinaluni.