Hóast ein stórur partur av danska fólkinum eru koppsett, er tað tó framvegis eitt trísiffrað tal, sum liggur á sjúkrahúsi við covid-19.
Mong av hesum eru ikki koppsett.
Yvirlæknin á Ríkissjúkrahúsinum, Åse Bengård Andersen, vísir á, at tað er týðiligt, hvørji fólk verða innløgd.
- Tá eg hyggi eftir okkara sjúkrahúsi, eru tað fólk, ið hava vánaligt mótstøðuføri. Í aðrar mátar eru hetta fólk, sum ikki vilja lata seg koppseta, og nú gjalda tey prísin fyri tað, sigur hon.
Í dag vórðu staðfestir 632 nýggir tilburðir við koronu í Danmark, og í løtuni liggja 124 fólk á sjúkrahúsi við covid-19. Av teimum innløgdu, liggja 26 á intensivari deild, harav 17 liggja í respiratori.
Tíðindastovan NTB veit at siga, at 72,5 prosent av danska fólkinum hava fingið tvær koppsetingar.
##med2##