Hóskvøldið klokkan 19.45 spælir føroyska landsliðið Nations League dyst móti Litava á útivølli. Petur Asbjørn Lervig sigur beinleiðis frá dystinum á FM1.
Hóast tað búgva smáar tríggjar miljónir fólk í Litava, so er tjóðarleikvøllurin í Vilnius ikki størri enn Tórsvøllur. LFF leikvøllurin hevur pláss fyri 5.000 áskoðarum.
Fótbóltur er nevnliga ikki ein serliga stór ítróttargrein í Litava.
Fakta er, at tað er bara ein stór ítróttargrein í Litava, og tað er kurvabóltur.
Litava hevur veruliga gjørt vart við seg á altjóða pallinum í kurvabólti, bæði í gamlari tíð og í nýggjari tíð.
Áðrenn landið bleiv innlimað í Sovjetsamveldið vann manslandsliðið hjá Litava á tveimum sinnum evropeiska meistaraskapið í kurvabólti. Tað var í 1937 og í 1939.
Í tíðini litaviskur kurvabóltur var partur av sovjetiskum kurvabólti millum 1947 og 1990 vóru fleiri litaviskir leikarar, ið mannaðu sovjetiska landsliðið.
Aftaná landið bleiv frælst fullveldisríkið aftur í 1991 hevur eisini gingið framúr væl hjá manslandsliðnum í kurvabólti.
Litava gjørdist evropameistari í 2003, og teir vunnu silvur í 1995, 2013 og í 2015. Í 2007 vunnu teir bronsu.
Kvinnulandsliðið hjá Litava vann evropameistaraskapið í 1997, og silvur í 1938, so tær hava eisini nøkur góð úrslit at vísa á.
Í 2010 vann manslandsliðið HM bronsu.
Litava hevur vunnið OL-bronsu á trimum sinnum. Í 1992, 1996 og í 2000.
So tað er greitt, at føroyingarnir sum eru í Litava í hesum døgum koma ikki at møta so ræðuliga nógvum fólki, ið hava stóran áhuga í fótbólti. Kurvabóltur tekur næstan allar yvirskriftirnar í Litava.
HER ber til at síggja eitt innslag um mest minniligu løtuna hjá litaviska kurvabóltslandsliðnum. Hetta er frá OL-hálvfinaluni í Sidney í 2000, tá Litava var ein tvey-stigara frá at koppa superstjørnunum hjá USA. Allur heimurin - uttan amerikanarar - heppaðu á teir undirtippaðu litavarnar hesa løtuna:
##med2##