Í gjárkvøldið vann KÍ 2-1 á heimavølli ímóti AB. Sigurin ber við sær, at KÍ enn einaferð hevur sett met. Tað er ongantíð áður komið fyri, at eitt felag í einum kappingarári hevur vunnið 13 dystir á rað. Hóast AB enn ongan sigur hevur vunnið, so var tað annað vikuskiftið á rað ikki so langt frá, at argjamenn vunnu stig á útivølli frá einum av teimum stóru.
Fyri einari viku síðani var AB tætt við, tá ið tað endaði við 2-1 tapi á útivølli ímóti B36, og í gjárkvøldið var fram ímóti dystarenda ikki so langt frá, at AB javnaði til 2-2, hóast tað nógv størsta part av tíðini var KÍ, sum var omaná.
Í dag verður lyklauppgerð í Gundadali millum B36, sum er á triðja plássi og Víking, sum er á fjórða plássi.
HB er næstfremst, og HB verður stórfavorittur á útivølli ímóti B68.
Fyri ÍF hevur tað stóran týdning at vinna fulla úrtøku á heimavølli ímóti 07 Vestur og við fullari úrtøku at flyta seg úr botninum.
Um TB skal hava møguleika at vinna fulla úrtøku á útivølli, so verður dysturin í Hólmanum á Eiði roknaður at vera ein av teimum, har tað er møguleiki fyri at vinna.
EB/Streymur – TB: Petur Reinert kl. 15.00
ÍF – 07 Vestur: Rani A. Skaalum kl. 15.00
B68 – HB: Eiler Rasmussen kl. 16.00
B36 – Víkingur: Rúni Gaardbo kl. 15.00
Leygardagin 3. juni
KÍ – AB 2-1 (1-0)
1-0: Claes Philip Kronberg 22.
2-0: Árni Frederiksberg br 66.
2-1: Viktor Benediktsson 86.
KÍ | 13 | 13 | 0 | 0 | 39 | 7 | 39 |
HB | 12 | 9 | 2 | 1 | 33 | 6 | 29 |
B36 | 12 | 9 | 0 | 3 | 27 | 12 | 27 |
Víkingur | 12 | 6 | 3 | 3 | 25 | 13 | 21 |
07 Vestur | 11 | 4 | 1 | 6 | 17 | 18 | 13 |
B68 | 11 | 2 | 5 | 4 | 11 | 19 | 11 |
EB/Streymur | 11 | 3 | 1 | 7 | 8 | 23 | 10 |
ÍF | 11 | 3 | 0 | 8 | 11 | 24 | 9 |
TB | 11 | 1 | 3 | 7 | 5 | 29 | 6 |
AB | 12 | 0 | 1 | 11 | 3 | 28 | 1 |