Nú er fyrsta skipið hjá felagsskapinum, Sea Shepherd, komið til Føroyar í sambandi við herferðina ímóti grindadrápi í summar.
Tað er tríkiljan, Brigitte Bardot, sum fór úr Bremen í Týsklandi sunnudagin, ið nú er komin til Føroya. Hon er í løtuni á veg inn á Sund at liggja og har verður hon um eina lítla løtu.
Havnarskrivstovan í Havn sigur, at tey hava ikki havt samband við skipi, men at Sea Shepherd fólk á landi ringdi og bóðu um pláss fyri skipinum í Havn.
Men tað fáa tey ikki, og tískil vórðu tey vend inn á Havnina.
Borgarstjórin í Havn, Heðin Mortensen hevur boðað frá, at skip frá Sea Shepherd sleppa ikki at mynda havnarlagið inni í Havnini í summar, so skulu tey at í Tórshavnar Kommunu, verður tað inni á Sundi, ella í Kollafirði.
Eisini Tórshavnar Havn sigur, at tað er ikki pláss fyri teimum í Havn, tí tey hava eisini onnur skip at hugsa um.
Nú tey eru á veg á Sund, fara umboð fyri Tórshavnar Havn at standa fyri teimum, tí tað eru ymsir upplýsingar, havnarmyndugleikarnir skulu hava frá fremmandum skipum, eitt mú, hvaðani tey koma, hvussu nógv fólk er við, hvussu leingi tey steðga, og aðrir upplýsingar.
Tvey onnur skip hjá Sea Shepherd, Bob Barker og Sam Simon, liggja eisini í Bremen og rigga til at koma til Føroya at stríðast ímóti grindadrápi.
