Týsdagin, hin 2. august, tóku tey í Stóru Dímun fyrstu mairøturnar í ár upp, og hesar eru longu komnar út í handlar kring landið.
Í nøkur ár hava tey gjørt nógv burtur úr velting í oynni, og serliga eru tað vælsmakkandi røturnar, sum dentur verður lagdur á.
Tað hevur verið sagt, at eplir veksa ikki so væl í Stóru Dímun, men røtur haðani bæði veksa og smakka sera væl.
Um virksemið á Dímunargarði kann annars sigast, at her vórðu tey liðug við roytingina longu í fyrstu viku av juli.
- Tá vit royta, geva vit samstundis heilivág og merkja lombini.
##med2##
Á Facebook-vanganum hjá Dímunargarði verður sagt, at lombini í ár eru nógv í tali, men tey eru ymisk í stødd.
Seyðurin í Stóru Dímun verður rikin í fýra fylgjum, og aftur í ár fingu tey góða hjálp frá fólki, sum komu út í oynna at hjálpa til.