- Ein partur av Gerðisvegi verður asfalteraður í dag, og hetta fer at ávirka gjøgnumkoyrandi ferðslu.
Tað siga tey í Vestmanna kommunu í dag. Lagt verður aftrat, at talan er um økið, har vegurin nýliga er breiðkaður.
- Meðan arbeiðið er í gongd, verður heitt á bilførarar um at koyra gjøgnum kirkjugarðin, siga tey í kommununi.
Sagt verður, at samstundis, sum vegurin verður asfalteraður, verður ein gongubreyt gjørd fram við vegnum.
- Ætlanin er, at arbeiða víðari við gongubreytini móti Deild í næsta ár, siga tey í Vestmanna kommunu.
