Tað sást ikki á maltalvuni, at talan var um dyst millum oddaliðið, FH og botnliðið, Fylkir í dystinum á Kaplakrika leikvøllinum á Hafnarfjørðinum í dysti, sum var leiktur í gjárakvøldi.
FH vann 1-0 við málið, sum skotski áleyparin, Steven Lennon skeyt við einum brotssparksmáli tíðliga í seinna hálvleiki.
Gunnar Nielsen helt málið reint, og hann hevur uttan iva havt onkran strævnari dyst enn hendan, tí FH hevði tað mesta, sum skrivast kann heim um, sambært Morgunblaðnum. Sonni Ragnar Nattestad var ikki við í hópinum hjá FH.
Komandi dysturin hjá FH í pepsideildini verður á heimavølli ímóti Víkingi Reykjavík 9. juli. Í næstum skal FH eisini út at royna seg í øðrum undanumfarinum í Champions League kappingini ímóti írska liðnum Dundalk.
Tað er framvegis spennandi í oddinum í pepsideildini, sum stigatalvan eisini vísir :
| 1 | FH | 9 | 6 | 2 | 1 | 12:4 | 20 |
| 2 | Fjölnir | 9 | 6 | 1 | 2 | 21:9 | 19 |
| 3 | Breiðablik | 9 | 5 | 1 | 3 | 10:7 | 16 |
| 4 | Stjarnan | 8 | 4 | 2 | 2 | 14:8 | 14 |
| 5 | Víkingur Ólafsfjørður | 8 | 4 | 2 | 2 | 11:11 | 14 |
| 6 | ÍBV | 9 | 4 | 1 | 4 | 10:9 | 13 |
| 7 | Valur | 9 | 3 | 2 | 4 | 13:10 | 11 |
| 8 | Víkingur Reykjavík | 8 | 3 | 2 | 3 | 12:9 | 11 |
| 9 | KR | 9 | 2 | 3 | 4 | 8:11 | 9 |
| 10 | ÍA | 8 | 2 | 1 | 5 | 7:15 | 7 |
| 11 | Þróttur R. | 8 | 2 | 1 | 5 | 6:21 | 7 |
| 12 | Fylkir | 8 | 0 | 2 | 6 | 4:14 | 2 |
