Landsliðsleikarin, Gunnar Vatnhamar og liðfelagarnir hjá íslendsku greipuvinnarunum, Víkingur Reykjavík fingið eina góða byrjan upp á kappingarárið í bestu íslendsku fótbóltsdeildini.
Víkingur Reykjavík vann í kvøld á heimavølli 2-0 á Stjörnuni, og fekk Gunnar heiðurin at vera fyrsti málskjúttin í bestu íslendsku fótbóltsdeildini hetta kappingarárið.
Gunnar skoraði málið til 1-0 í tíðini dómarin hevði lagt aftrat í fyrra hálvleiki. Staddur í brotsteiginum hamraði Gunnar bóltin í netið.
Helgi Guðjónsson økti til 2-0 tá 73 minuttir vóru leiktir av dystinum.
Seinast ein føroyingur var fyrsti málskjúttin í einum kappingarári í bestu deildini í Íslandi var í 2006. Tá var tað Símun Samuelsen hjá Keflavík, ið fekk heiðurin at vera fyrsti málskjúttin.
Mánakvøldið 15. apríl spælir Víkingur á útivølli móti Fram.
