Hákun aftur toppskjútti hjá Skanderborg Århus í dag

Hákun West av Teigum var aftur toppskjútti hjá Skanderborg Århus í dag. 

Hákun skoraði sjey mál tá Skanderborg Århus í heimadysti í bólki 1 í endaspælinum í bestu donsku hondbóltsdeildini vann 31-28 á Ribe-Esbjerg. Í steðginum var Skanderborg Århus á odda 12-9. 

Skanderborg Århus er næstfremst við trimum stigum, trý stig aftanfyri GOG. Tvey tey fremstu liðini vinna seg í hálvfinalurnar.

Komandi leygarkvøld spælir Skanderborg Århus á heimavølli móti GOG.