##med2##
Ásbjørn N. Nattestad hevði tveir spennandi gestir í sendingini Hondbóltspanelið á FM1 fyrrapartin í dag.
Fyrri gesturin var landsliðsleikarin og høgri vongurin hjá Skanderborg/Århus í bestu donsku hondbóltsdeildini, Hákun West av Teigum.
Hákun staðfesti, at hann fer ikki til Berlin nú fyri at traðka til í Füchse Berlin. Skiftið til Füchse Berlin fer fram sum upprunaliga ætlað, komandi summar.
Hákun er sera fegin um tíðina hann hevur havt í Skanderborg, ið hevur ment hann nógv sum hondbóltsleikara. Hákun ynskir tó at betra seg alla tíðina, og hann heldur, at tað er serliga í verjupartinum, at hann kann betra seg.
Seinni gesturin hjá Ásbirni var landsliðsvenjarin hjá kvinnulandsliðnum, Sonni Larsen sum eftirmetti avrikið móti Kosovo, har Sonni serliga er harmur um verjupartin í tí tepra samlaða ósigrinum móti Kosovo í HM-undankappingini.
Á ljóðfíluni omanfyri ber til at hoyra sendingina.
