Hákun West av Teigum skoraði eitt mál tá hann og liðfelagarnir í Skanderborg Århus á heimavølli vóru fyri 24-29 tapi móti oddaliðnum í bólki 1 í endaspælinum, GOG.
Í fyrra hálvleiki var Skanderborg Århus munandi betri við, og í steðginum var støðan javnleikur 13-13. Í seinna hálvleiki vísti GOG tó sína styrki.
GOG er greitt oddalið í bólki 1 við átta stigum. Skanderborg Århus hevur trý stig, Bjerringbro-Silkeborg hevur tvey stig og aftast er Ribe-Esbjerg við ongum stigi.
Komandi leygardag spælir Skanderborg Århus móti Ribe Esbjerg á útivølli. Hákun og liðfelagarnir mugu tryggja sær annað plássið í bólkinum fyri at vinna seg í hálvfinalurnar.